Ek wens ons kon nog een geselsie saam hê, nog een grappie saam deel, nog een keer saam stil sit en die verte inkyk.
Die HERE is my herder; niks sal my ontbreek nie.
Hy laat my neerlê in groen weivelde; na waters waar rus is, lei Hy my heen.
Hy verkwik my siel; Hy lei my in die spore van geregtigheid, om sy Naam ontwil.
Al gaan ek ook in ‘n dal van doodskaduwee, ek sal geen onheil vrees nie; want U is met my: u stok en u staf dié vertroos my.
U berei die tafel voor my aangesig teenoor my teëstanders; U maak my hoof vet met olie; my beker loop oor.
Net goedheid en guns sal my volg al die dae van my lewe; en ek sal in die huis van die HERE bly in lengte van dae. Psalm 23
Gedenkdiensreëlings / Memorial Service Arrangement
Die gedenkdiens vir wyle Leboeuf du Plessis is gereël vir Vrydag die 23ste Januarie teen 11 uur vm. Dit sal gehou word in die kapel by Olivier en Vermeulen, C.J. Langenhoven weg 28, George.
The memorial service for late Leboeuf du Plessis is arranged for Friday the 23rd January at 11 o'clock am. It will be held at the chapel of Olivier and Vermeulen, 28 C.J. Langenhoven Rd, George.
https://maps.app.goo.gl/EzNpqAAVhgvbFREb7
Doodsberig / Obituary
Leboeuf du Plessis is op 15 Desember 1936 in Bethlehem, Vrystaat, gebore as die seun van Christoffel Francois en Martha du Plessis. Hy is op 9 Januarie 2026 vreedsaam in George, Wes-Kaap, oorlede op die ouderdom van 89 jaar.
Hy is voorafgegaan deur sy broer Jan en word oorleef deur sy broer Christo en susters Marthie en Beatrix. Leboeuf was die toegewyde eggenoot van Mariaan du Plessis (gebore Odendaal), ’n liefdevolle vader vir Francois en Samuel, en ’n trotse oupa vir Amelie en Esther.
Sy lewenspad het hom na verskeie stede en gemeenskappe regoor Suid-Afrika geneem, insluitend Stellenbosch, Lichtenburg, Bethlehem, Durban, Port Elizabeth, Klerksdorp, Johannesburg, Pretoria, Pietermaritzburg, Tulbagh, die Fauresmith-distrik en uiteindelik George. Elke plek het ’n besondere hoofstuk in sy lewe gevorm, gekenmerk deur werk, diens en betrokkenheid.
Leboeuf se vroeë belangstelling in fotografie het daartoe gelei dat hy in die vroeë 1960’s ’n fotografiestudio in Durban gevestig het. Sy diens in die lugmag het in sy vroeë volwasse jare begin toe hy by die Suid-Afrikaanse Lugmag (SALM) se Burgermag aangesluit het. Hy het deeltyds van sy vroeë twintigs af tot ongeveer 1979 as vlieënier gedien en die rang van kaptein bereik, terwyl hy sy fotografie-, regs- en versekeringsloopbane nagevolge het. Hierdie tydperk het sy lewenslange passie vir lugvaart aangevuur, 'n liefde wat hy deur sy hele volwasse lewe behou het. Hoewel hy later ’n regsloopbaan oorweeg het, het die vereistes van Latyn hom genoop om ’n ander rigting in te slaan. Hy het toe ’n uiters suksesvolle loopbaan by Santam Versekering gevolg as bemarker en onderskrywer, waarna hy bevorder is tot takbestuurder en uiteindelik Assistent Hoofbestuurder — ’n pos wat hy tot met sy aftrede beklee het.
Na sy aftrede het Leboeuf vir meer as ’n dekade met groot toewyding skape en beeste in die Vrystaat geboer, in dieselfde distrik waar hy sy jong en vormingsjare deurgebring het — ’n gebied wat altyd ’n besondere plek in sy hart beklee het.
Hy was ’n man met ’n wye verskeidenheid belangstellings en ’n lewenslange liefde vir leer. Sy passie vir fotografie het deur sy lewe voortgeduur en gelei tot ’n indrukwekkende versameling landskap- en portretfoto’s, hoewel daar min beelde van die man agter die kamera was. Hy het reis en kulinêre ontdekkings geniet en groot vreugde gevind in houtwerk, waar hy dikwels sy familie betrek het by die restorasie van meubels en die bou van kaste en huisinrigtings.
Leboeuf het streng volgens ’n beginselvaste waardestelsel geleef. Hierdie waardes het sy optrede, verhoudings en leierskap gevorm en hom die respek van kollegas, vriende en gemeenskappe besorg. Hy was ’n gerespekteerde leier in sosiale en geloofsgemeenskappe en het aktief en getrou aan kerke en gemeenskapsinisiatiewe deelgeneem.
Leboeuf du Plessis sal onthou word as ’n toegewyde gesinsman, ’n man van integriteit, ’n bekwame vakman en ’n lewenslange soeker na kennis en skoonheid. Sy nalatenskap leef voort in die lewens wat hy geraak het, die waardes wat hy uitgeleef het en die herinneringe wat hy nalaat.
------------------
Leboeuf du Plessis was born on 15 December 1936 in Bethlehem, Free State, as the son of Christoffel Francois and Martha du Plessis. He passed away peacefully on 9 January 2026 in George, Western Cape, at the age of 89 years.
He was predeceased by his brother Jan and is survived by his brother Christo and sisters Marthie and Beatrix. Leboeuf was the devoted husband of Mariaan du Plessis (née Odendaal), a loving father to Francois and Samuel, and a proud grandfather to Amelie and Esther.
His life journey took him to various cities and communities across South Africa, including Stellenbosch, Lichtenburg, Bethlehem, Durban, Port Elizabeth, Klerksdorp, Johannesburg, Pretoria, Pietermaritzburg, Tulbagh, the Fauresmith district and ultimately George. Each place formed a special chapter in his life, marked by work, service and involvement.
Leboeuf’s early interest in photography led him to establish a photography studio in Durban in the early 1960s. His service in the air force began in his early adult years when he joined the South African Air Force (SAAF) Citizen Force. He served part-time from his early twenties until around 1979 as a pilot and attained the rank of captain, while pursuing his photography, legal and insurance careers. This period ignited his lifelong passion for aviation, a love he maintained throughout his adult life. Although he later considered a legal career, the requirements of Latin compelled him to take a different direction. He then pursued an extremely successful career at Santam Insurance as a marketer and underwriter, after which he was promoted to branch manager and ultimately Assistant General Manager—a position he held until his retirement.
After his retirement, Leboeuf farmed sheep and cattle in the Free State with great dedication for more than a decade, in the same district where he spent his youthful and formative years—an area that always held a special place in his heart.
He was a man with a wide variety of interests and a lifelong love of learning. His passion for photography endured throughout his life and led to an impressive collection of landscape and portrait photographs, although there were few images of the man behind the camera. He enjoyed travel and culinary discoveries and found great joy in woodworking, where he often involved his family in the restoration of furniture and the building of cupboards and home furnishings.
Leboeuf lived strictly according to a principled value system. These values shaped his actions, relationships and leadership and earned him the respect of colleagues, friends and communities. He was a respected leader in social and faith communities and participated actively and faithfully in churches and community initiatives.
Leboeuf du Plessis will be remembered as a devoted family man, a man of integrity, a skilled craftsman and a lifelong seeker of knowledge and beauty. His legacy lives on in the lives he touched, the values he embodied and the memories he leaves behind.
Galery
Videos
Gedenkmuur / Memory wall
Ons paaie met hulle het gekruis in Tulbagh toe ons as bure ingetrek het.
Ons het dadelik huisvriende geword en die omgewing saam verken deur deel te word van die Wynproegulde.
Ons het vroeg in 1998 op 'n toer na die Drakensberge en Sun City onderneem met karavane wat amper 'n maand geduur het. Hulle het ons alle plekke en besieningswaarde gewys waar ons nog nie was nie.
Hierdie toer was asemrowend en baie geseënd.
Hulle het ons ook genooi om aan te sluit by Boland karavaanklub en later by Tulbagh Rolbalklub.
Ons het soveel goeie tye saam geniet met die kampe, en was daar natuurlik nog toere.
Ons het baie goeie huisvriende geword want Leboeuf en Mariaan is sulke besonderse en opbouende vriende.
Ons het nog goeie vriende gebly na hulle Tulbagh verlaat het.
Daarom is dit vir ons baie swaar om hom as goeie vriend te verloor.
Ons bid vir Mariaan en die kinders God se Genade en Liefde toe in hierdie hartseer tyd. Rus in vrede.
Liefde.
Jan en Beatrice.
Ons het ’n broer, ’n vriend en ’n werklik besondere mens verloor. Sy afwesigheid het ’n diep leemte in ons lewens gelaat. Wanneer ons aan Leboeuf dink, is dit altyd met die mooiste herinneringe. Vir byna 50 jaar het ons families ’n band gedeel wat soos ’n leeftyd voel. Al kan ’n mens nie jou familie kies nie, kan jy jou vriende kies—en Leboeuf was altyd die vriend wat ons sonder twyfel sou kies.
Ons paaie het gekruis in 1976, toe ons kollegas was wat gou beste vriende geword het. Oor die jare het ons mekaar dikwels besoek en menige vakansies in die Drakensberge gehou. Ons liefde vir die natuur het ons verenig—ons het gestap, ontdek, verdwaal en selfs ’n nag deurgebring onder die uitgestrekte, sterrehemel van Giants Castle—oomblikke wat vir altyd in ons harte geêts sal bly.
Een van die mees komiese herinneringe wat ons koester, is van ons uitstappie na die Musiekwaterfontein by Wemmerpan, toe Hennie en Leboeuf stoutweg daarop aangedring het om in die kattebak van die motor te ry—twee boesemvriende, altyd besig om ‘n geleentheid aan te gryp en dit opwindend te maak. Aande om die etenstafel was gevul met storievertelling, deur Leboeuf wat geheimsinnige verhale opgedis met ‘n misterieuse einde, wat die kinders moes uitpluis hoe die storie so ontvou het.
Leboeuf, ons mis jou geweldig baie. Ons opregte meegevoel gaan uit na Mariaan, Francois en Sam. Mag die Here julle omvou met Sy onveilbare liefde, en julle vertroos en versterk met hierdie groot verlies.
Met baie liefde,
Hennie, Wilma, Antoinette en Michelle
Kersfees en Paasfees was dit jou warm hart wat vir ons ouers en plaaskindertjies soveel opwinding en blydskap gebring het met die mooi geskenke en reuse paaseiers.
Ek het jou bewonder vir jou kennis, jou goeie musieksmaak en liefde vir die natuur .
Iets kenmerkend van jou wat ek altyd sal onthou, is die manier hoe rustig, stadig en smaaklik jy kon eet .
Ek is dankbaar vir jou liefde en voorbeeld al die jare ,my boet.
Liefde, Mart
Rus sag, Oom Lebou.
In Winston Park Natal het ek by my bestuurder leer goeie rooi wyn drink.
Meneer baie dankie vir die goeie les in die lewe.🍷
Rus sag rus in vrede🙏
Weet jy ooit? Jy was die held van my jeug!
Vlieënier van Havards,
fotograaf,
amper-prokureur,
Diè een wat geskenkies en kleur en opwinding Vrystaat toe gebring het met die goggomobiel wat ek vroegoggend voor Parys se plaashuis ontdek. Om dan kaalvoet die stofpaadjie rondawel toe te vat en grootoog oor die onderdeur te loer na jou geliefde vorm in die bed. Ek onthou die wag vir jou om wakker te word. Ek hoor nog jou diep uit-die-maag lag en die humor in jou stem wat vir my sê
'Ek maak saak in jou lewe'.
Om jou guns te wen was vir my soos die heuning uit die korf in Fraai-Uitsig se koppie. Daar het ek gewillig die rookmaker laat werk het. My langmoutrui was my enigste verweer teen die geniepsige bye! Ek sien jou nog, gepanser, die vol, ryk heuningkoeke afsny om in die skottel te val wat ou Balie en Siena se klein July moes vashou.
Vreesloos eerlik was jy, my Ouboet. Sonder draaie moes ek dikwels die waarheid aanhoor of ek wou of nie!
Vir my was jy ń seder, ń rots van ń man, ń veilige skuiling in hierdie verkrummelende wêreld. Altyd dààr, altyd beskikbaar.
Jou plek in my hart is leeg.
Kleinsus Bea
Ons het heerlik by Sam gekuier by sy ouerhuis met die eendjies wat 'n pragtige teenwoordigheid was. Toe ek en Desiree in die oorgang was na George, het hul hul huis vir ons oopgemaak en is ek steeds danbaar dat ons by hul kon oorbly. Ek onthou in die besonder hoe ons een aand by hul aangekom het en hy aandagtig deur 'n motorbrosjure aan't blaai was in die voorkamer. "Gaan oom nou motor koop?" Nee, hy het nog al die jare kaartjies gekoop om St John-ambulanse te ondersteun en hy't sopas verneem dat hy 'n Corolla gewen het. Toe het hy oppad huistoe die brosjure by 'n handelaar opgetel om hom met die nuwe situasie te vergewis. Nie opgewonde nie, totaal ongesteurd oor die situasie.
Ek onthou ook hoe hy my vertel het hoe hy destyds as vlieenier die tannie in die lug opgeneem het om haar om haar hand te vra. "As jy die antwoord nee is, kom ons nie af nie", het hy bygevoeg. Hul vennootskap saam was lank en mooi.
Français
Deutsch
Nederlands
Español
Português
Magyar
Русский
繁體中文